الحظ

الحظ

قصيدة عن الحظ للشاعر /محمد أبن عونالشريف اتمنى من الجميع قراءتها للفائدة وكثير منكم سبق وأن مرت عليه


يالله ياللـي كـل حــيٍ يسـالـك =يـا واحـدٍ كـلٍ يخافـك ويرجيـك
ياقاسم انوال المـلا مـن نوالـك =وقبضة نواصي الخلق كلهن بياديـك
اتفك عقد احبـالعبـدٍ شكـا لـك= مستبـرمٍ حبلـه بعقـد الشرابيـك
بعيدٍ عن الداني دعـا والتجـالـك =يا من هو المالـك وحنـا المماليـك
ارمـي بحالاتـي لذيـك التهـالـك= تفرج عنالقلب الذي فيه تشكيـك
ما به من الحرفـات الا الدعـا لـك= والحيل قصـر والأيـاديمفاليـك
فليا اقتضى عسري بحسن الرضا لك= فاجعل لنا صبرٍ على العسر يرضيك
سايلتداعي البيـن مالـي ومالـك= من كل صـوبٍ كاثـراتٍ دعاويـك
قال إن هذا الأمـر لالـي ولا لـك= أمرٍ قضـاه آلهـك اللـي مسويـك
لا تعترض أم القـدر فـي جدالـك= ولاتحسب إن اللي مصيبك بيخطيك
قسمت حظوظ الخلق قسم السوى لك= ومكتوب حظك يالفتى فينواصيـك
جف القلم باللوح فيما اقتضـى لـك= إمـا سعيـد الحـظ وإلا مشقـيـك
وأنااشهد أن اللي كتب لـك ينالـك= يالعبد ربـك باسـم حظـك يناديـك
كـلٍّ بتقديـرالولـى طـاب فالـك= اصبر علـى مـا قـدر الله يأتيـك
ولا تلوم النفـس فيمـا جـرالـك= تبور غالي سلعتـك بيـن أياديـك
ويلومك اللي مادرى عـن حوالـك= ولا درى ويشالدهر محـدثٍ فيـك
محدٍ درا ويش الذي صـاب حالـك= وما جرا لك مـع صديـقٍمعاديـك
بمكايـده يبلـن الأيــام حـالـك= وعن المـوارد قاصـراتٍ مداليـك
ماشام بك من ديرتك عـن عيالـك= وما عرضك درب الخطر والتهاليـك
وين انت والأقـداريـوم ارتحالـك= في وسط غباتٍ بها المـوج عاليـك
مـرٍ يميـن ومـرةٍ مـن شمالـك=والعرب من التريك تاخـذ بياديـك
إن قيل رد البوش واربـط احبالـك= ضاقت علـىاحرارهـا والمماليـك
فاعزم وشم ولا تضيـق المسالـك= ولا تسوي يافتـى شومـتالديـك
وافهم نبا ما أقول لك طـاب فالـك= سعود الفتى بالحظ من غير تشكيـك
وإنجاد حظك باع لك واشترا لـك= فوايده مـن كـل الأبـواب تاتيـك
وإن بـار بـك دلاّيهـزل حلالـك= وبردا الثمن لزماً يبيعـك ويشريـك
وإن جاد حظك بالمجالس حكى لـك =وصدق مقالـك كـلٍ لـك يحاكيـك
وإن بـار بـك دلاّ يكـذب مقالـك= وتصير كذباتالمـلا كلهـن فيـك
وإن جاد حظك بالمنـازل بنـا لـك= بيتٍ رفيعٍ شامـخ الطـوليذريـك
وإن بار بك خـلاك تنقـل اعيالـك= مـن دار إلـى دار ودارٍ اتجلـيـك
وإنجاد حظك كل شيءٍ صفـا لـك= وقرايـب الخـلان كلـن يصافيـك
وان بار بك بين جميـعالعـدا لـك= وصار المحب اعدا عـدوٍ يعاديـك
وإن جاد حظك كـل شـيءٍ عنالـك= ويباشركعنـد المـوده ويعطيـك
وإن بار بك ضليـت محـدٍ بحالـك= ولا بفنجـالٍ مـن البـنيسقـيـك
وإن جاد حظك قام واطلـق اعقالـك= ومشا معك فـي كـل دربٍ يباريـك
وإنبار بك جود متيـن الثنـا لـك= وعن كل دربٍ لك يعقلـك ويثنيـك
وإن جاد حظك كل شيءٍزهـا لـك= حليـاه بـرواح المجالـس تزهيـك
وإن بار بك شيـن حلايـا خيالـك= إلىاقبلت تغضى كل عينٍ تراعيـك
وإن جاد حظك كل شيءٍ أضـا لـك= يشبه فـم القنديـلنـوره يقديـك
وإن بار بك عزيـل حالـي وحالـك= ارذل رذيـلٍ هافـي الجـديوذيـك
يالعبد لـو كثـرت حـث ارتحالـك= وعرضتها درب الخطـر والتهاليـك
تـازيبـلا حـظ بعيـدٍ محـالـك= وقلوص عزمك بالمهامـه اتخليـك
تسعين عام يافتـى مـابـدا لـك= ولا لاح في بالـك لـزومٍ يصافيـك
قل ول يا حظي على ما جـرا لـك= إلى قلعونـك ماجتهـادك بيغنيـك
اكتب مكاتيـب الشقـا والعنـا لـك= قل ول يا حظ الشقىاتعبت راعيـك
يا حظ لو ذيب المفالـي عـوا لـك= في مجلسٍ حاويه صـوتٍيعاويـك
يقول لـو حظـك سعيـدٍ نمـا لـك= لو عشـرة اولادك عضيـدٍيكفيـك
واليـوم لا تأمـن يمينـك شمالـك= يبوقـك اصـدق صديـقٍ يماليـك
ولايغـرك إن لقـاك وحكـا لــك= لو عطالك من المواثيـق يرضيـك
تحرز بسوء الظن وابصـربحالـك= واحذر جليسٍ ضايع الراي يعميـك
من سوء طبعه إن حكى بك حكى لك= يرضي عدوكبالنميمـة ويرضيـك
راعي المكر والبوق والكذب سالـك= وراعي الثنا ضاقت عليهالمساليـك
يمشـي ورأيـه ضايـعٍ بالمهالـك= لا شاف من دونه على الوكر عاليك
ماتنظر الأقـدار فيمـا جـرا لـك= شيوخ القبايـل يتبعـون المماليـك
فاعزم بعون اللهعلى ما بـدا لـك= واقصد إله العرش حسبك ويكفيـك
صاروا ابطن اللحـود ارض فمالـك=صبرٍ فهل منهـم صديـقٍ يعزيـك
لا بأس لو من كل طرفٍ جـرا لـك =هامي سحاب الوجد منفوق خديـك
يا قلب هيـد عـن تذكـر احوالـك= واصبر عسى رب الملا يعتني فيـك
اصبرعسى تعطا خلف ما غدا لـك= رجلٍ إلى سامتـك الأيـام يشريـك
يارب تجعـل واحـدٍ مـنرجالـك= عند الشدايد مزبـن اللـى يواليـك
في يوم ما تعطـي يمينـك شمالـك= مثقالحبة خـردلٍ مـن حسانيـك
تعطيني مقصودي وأنا اللى أسالـك= يا سامعٍ مـن جـا لبابـكيناديـك
واختام ملفوضي لنـا فـي مقالـك =ازكى صلاة إلى هادي الرشد هاديك

(مرورك يدل على اهتمامك حتى اذا ما كتبت تعليق)

المصدر: منتديات مضايف بلدة الغبره

---

hgp/

تسلم يمين من نقلهاا وصح لسان من قالهاااا

تقبل مروري

يارب تجعـل واحـدٍ مـنرجالـك= عند الشدايد مزبـن اللـى يواليـك
في يوم ما تعطـي يمينـك شمالـك= مثقالحبة خـردلٍ مـن حسانيـك
تعطيني مقصودي وأنا اللى أسالـك= يا سامعٍ مـن جـا لبابك يناديـك
واختام ملفوضي لنـا فـي مقالـك =ازكى صلاة إلى هادي الرشد هاديك



صح لســـــــــــان من قالهاا وتســـــــــــلم يمني من نقلهااا

ماقصرت ويعطيك العافيه

صح لسانك مربحي




اشكرك كل الشكر على القصيدة الرائعة

هلالي موت
الاخت ام مشعل
الزير ابو ليلى
اشكركم عالمرور الجميل وانشالله اكون عند حسن الظن