آجمل نص شعري..

آجمل نص شعري..

السلام عليكم ورحمة الله وبركاته



اخواني هذي النصوص الشعريه حقت الاعضاء المتسابقين بمسابقة " آجمل نص شعري"


والمطلوووب من الجميع التصويت على اجمل نص شعري عجبه ..وطبعاً النص الي يحصل على اعلى أصوات يفوز صاحبه بوسام ..





( 1 )


تزعل واراضيك واتلـذذ بتزعيلك ,,, تبي الصراحـه انا مجنـون زعلاتــك

لاقمـت تبعــد وانـا اقـرب وادنيلـك ,,, وامسك طرف غترتي وامش دمعاتك

وتبدي تعاتب وانا كل انتبااهي لك ,,, ما اسمعك شتقول انا عيني على شفاتك

وتعيد حجيك وتفـرك حيـل منديلك ,,, وتخالطــت صــادق حروفــك بوناتـــك

عيني على خطوتك والقلب يدعيلك ,,, اللــه يحفظــك مـن الحاسـد وشماتــك

تزعل واراضيك واتلذذ بتزعيلك ,,, تبــي الصراحـه انا اعشـق كـل حالاتـك




(2)


قلبي صحن دش وعيونك عربسات.. والبث جري مباشر من شفاتك

سلكي ولاسلكي وعبر المسافات..يسري اثيرك في فضاي وصفاتك

القلب مخرج والمشاعر مذيعات.. والشوق مبعوث مراسل لذاتك

ارسال متواصل على خمس فترات.. ينقل وقايع ما يصير بحياتك

صورتك في فكري على سبع شاشات..وافضل برامج سهرتي ذكرياتك

وارسال حسادك قطعتة عن السات..بدلت كيبلهم بكليب غلاتك

والغيت يا ثريا الغلا الأشتراكات..ما عاد اشاهد غير ما بث ساتك

لو شوشت ع البث كل المحطات..يلقط رسيفر خاطري ذبذباتك

جرب على ريموت الأحساس ضغطات.. تلقاه ما يختار الا قناتك



(3)
أمشي على رَمْضَى فرآقك .. وحافي و أهْرُب من فرآقك و أرجَع و أجي لَه

مَدري وِش اللي بالمَقادِير لآفي.. لكن طَلبتك .. شَيء,, مابي بديلَه

إن طَالتْ الغيبة و أنا صِرت جآفي.. خلّيني بدنياك ذكرى جميلة



(4)


ياخاين العشره ابتعد مابيكـ....مابيكـ ولابي منكـ جيــــه

نسيت يوم تزعل واراضيكـ....واقول ياقلب اصبر شويـــــه

ونسيت يوم ايديني باياديكـ.... نمشي دروب العشق روحه وجيــه

ونسيت يوم اسهر واداريكـ...واقول نام عسى نومه هنيـــه

ونسيت يوم بجفوني اغطيكـ....من صغري ادري بحياتي شقيـــه

ياحبيبي ماعاد لي قلب يغليكـ.... روح ابتعد وخل النوح ليــــــه

اليوم انا برحل عنك واخليكـ...لكن اوصيك على روحك وصيـــه

لا تخلي احد يلامس اياديكـ...لانها بيوم لمستها ايديـــــه

ولاتخلي احد يهمس باذانيكـ.. ويقول احبك لن الحب بس ليـــــه

واذا بيوم اشتقت لشوف مغليكـ...تعال عند القبر واجلس شويـــه




(5)


جـا يـشـوف الـحـال كـيـفـه بعد ما هزه حنينه.. قبـل يـسألـنـي سـألته .. كيف حالك يا لحبيب

قال أنـا كـنـي غـريب ضيـع دروب المـديـنه... قلت أنـا كـنـي مـديـنـه تـنتـظر رجعة غريب

قال أجل وش فيك تلعن سيـرة الـحب وسنينه..قلت أجـل وشلون ما ألعن سيرته دامك تغيب

أنت لامن غبت حتى مرايتك صارت حزينه ..كيف ما تبغاني أحزن وأنت لي مثل النصيب

الـهـدايا والـرسـايـل والـمـكـاتـيـب الـثـمـيـنـه.. الليـالـي والـقـمـر والـريـح والـكـون الرحيب

كـل مـا تـبـتـعـد تـجـيـب الشعر ليه من يدينه..وتـقـعـد جـروحي تـودي فـ المتاهات وتجيب

يا بـعـد كـل الـقـصـايـد ونـزوة حـداه وأنـيـنه.. لا ذكـرتـك لاح بـيـت وطاح ورد وفاح طيب

وأن نـسـيـتك ما نساني صوتك المبحوح لينه .. يـاخـذ لـجـروحي بـثاره من خـطاياك ويطيب

وبـعد هـذا جـاي تـرمي ذنـبـك بـوجه المدينه.. ما دريـت أن الـمـديـنـه كـلـهـا شـمـعة غريب






آختارو رقم النص الي عجبكم..

ملاحظه.. العضو المتسابق لايحق له التصويت لنفسه..

بالتوفيــــــق للجميع

تقبلو التحيه..

المصدر: منتديات مضايف بلدة الغبره

---

N[lg kw auvd>> H[lg auvd>>

موضوع جميل آختي صاحبه السمو
(( 4 ))

بصرآحه فكرة جميله صاحبة السمو يعطيج العافيه
جميع الاشعار جميلة
لكـن برأيي النص الاول احلى واحد كلماته حلوة ومعانيها حلوة
وتنسيقه جميل ومعبر اعجبني واااايد
لذا اختار النص الاول
// 1 //

مشكوره يالغاليه

لا هنتي أختي العزيزه

(( 5 ))

هلا أختي انا عن نفسي

(( 3 ))

و يجمع الكلمات الرائعه

وانا مع أخوي أبو صباح

رقم (( 3 ))

مشكوره اختي

موضوع اكثر من رائع

(3)
أمشي على رَمْضَى فرآقك .. وحافي و أهْرُب من فرآقك و أرجَع و أجي لَه

مَدري وِش اللي بالمَقادِير لآفي.. لكن طَلبتك .. شَيء,, مابي بديلَه

إن طَالتْ الغيبة و أنا صِرت جآفي.. خلّيني بدنياك ذكرى جميلة


رقم ثلاثه

اشكر فكرتك الرااااااااائعة


وكلمائك الجميلة



احترامي

انا بختار .. 5 ..
لاني بشوف انها اجمل نص .. !!

مشكوره يالغلا ع الموضوع الرااائع


اناا اختاار

رقم ((2)))