قصيده في بنت العم

قصيده في بنت العم

يا راكب ثنتين يشدن الاقواس **** من دار ريضان الحجر حركني
مافوقهن كود الدويرع وجلاس **** وسفايف بين اربع يلعبني
تحركنا من عندنا حين الامراس **** ومضى سواد الليل ما بركني
حكن علم عذفا يسارن من الرأس **** والظهر مع ورد الحفر يشربني
وحطوا لهم مع هقلة الحضر بلاس **** عن الحضر واللي بالخلا يسرحني
وليا لفيتوا عند مدقوق الالعاس **** الجادل اللي بالمحبه محني
قولوا على حبل الرجا نطوي الياس **** والبيض غيره كلهن يحرمني
ولو يندوي جرحي دويته بزفواس **** ولا بني رفاف البيت منكم ومني
والله يعلم بالخفايا والآجاس ***حيث مضى من صغر سنك وسني
ويا عمي اللي طعت بي هرج الانجاس *** طاوعت هرج الناس واخلفت ظني
طاوعت بي ياعم دايس ودرباس *** وعوارض صدقتها وابعدني
ومن لا اخذ من درس الاسلاف نبراس **** تمضي حياته بالرجا والتمني
واقفيت ادير بظامري كل هوجاس *** على وليف بالحشا غاب عني
تكبي خواطرهم ليا جيت عساس **** ولا تقل انا منهم ولاهم بمني
ومريت دار ما تقل جنة الاوناس **** وونيت ودموع العيون ذرفني
جيت المراح اللي بالعشب محتاس **** العشب في مضرب وسادة معني
محذا شبة الناس ومشتاقة الراس *** وثلاث لايبكن ولاينبكني
لي بنت عم ماوطت درب الادناس **** ولادنست يوم النساء يدنسني
ضربتها وانا احسب الضرب نوماس **** وطلقتها يوم افخت العقل مني
يا ناس كيف العين تبكي على ناس *** وكيف العيون بلا رمد يسهرني
لو ينشكي حبي على ذيب لاخماس *** يسرح مع الطليان مايجفلني
ولو ينشكي حبي على طير قرناس *** اضحى الضحى بمويكره مستكني
ولو ينشكي حبي على قب الافراس **** عين نهار الكون لايفزعني
ولو ينشكي حبي على الميت ماناس **** يثور من بين النصايب يوني
ولو البيوت مشددينه بالامراس **** عين مع الخفرات لاينبنني
وحتى النجوم اللي مع الليل غلاس **** لو ينشكي حبه لهن وقفني
ولو ان غوطة (دم سلمان ) واضراس **** يدرن بماقلبي لقلبه يكني
تلقى سهل جبة هضاب ومنحاس **** وحتى الجبل بالقاع صار متثني
اشرفت رأس ضراس من فوق الاطعاس **** ولالوم طراد الهوى لو يجني
هليت دمع العين واوميت بالراس **** ورافقت كور العيس ياما ابعدني
ورفعت نفسي عن شبا كل وسواس **** البعد احلى من حياة التمني
انا زبون الحرد للخيل مدباس **** يا كلشن شهب الشوارب نخني
نفسي تشوم عن التدلبح مع الساس **** ولاعاش من هو عن رفيقه يكني
من شيدوا (زينة ) على غيد واغراس **** ليا نسيت رسومهم ذكرني
ياعم انا لي طلبة الراس بالراس *** ياعم شوف رسومهم ماانمحني
ولو صرت ان القلاع ماشلت الاضراس ***** والموس مايقطع بليا مسني
ياصار ماربعن على الرائ جلاس **** وجنحان طير السعد يلفحني
نصير دوم للصقاقير مدواس ***** مثل اللي يسمع صفير المغني
والله يلولا بكرة يبووناس **** حبه سكن باقصى الضماير محني
والله لو هي ماتبيني فلا باس **** لاشك خبثان النفوس طردني
وانا احمد اللي خالق كل الانفاس **** وجعل وساع القاع مافيه مني
دار بدار ولامناخات الانجاس **** ياصار مايمناك عينك تزني

المصدر: منتديات مضايف بلدة الغبره

---

rwd]i td fkj hgul

راعي الحرشا

قصيده رائعه من شاعر مميز

وعطاك العافيه وكلك ذووق

ننتظر جديدك


ابو مايا

صح لسانك وصح لسان من قالها

بالفعل قصيدة جميلة ورائعة

بارك الله فيك ابو مايا
وننتضر جديدك

صح لسانك الله يعطك الف

عافية نحن بنتضار جديدك

تقبل مروري

اخي ابو مايااا اشكرك على كلامك الرقيق كلام من شخص راقي تقبل تحياتي

ابو حاتم اشكرك من صميم قلبي على مرورك دمت بصحه

راعي الفزعه صح بدنك ولاهنت انني انحني خجلا اما ارائكم النيره اشكرك على مرورك