شعر زوجه مسكينه لزوجها

شعر زوجه مسكينه لزوجها

بعد شتريد اسويلك
اصيرن شمعة وضويلك
بعد شتريد اسويلك
ابوك بشوش* واشويلك
نسيت شجنت اطبخلك وشجنت انة احشيلك
انة الي جنت البخلك ومن كل الالوان اخليلك
وبالصالون اذب الااف حتة بتسريحة حلوة اجيلك
اثاري الطبخ واللبخ ميفيد شسويلك بعد يمعود دخيلك
ابن الاوادم نسيت شجنت اسويلك
من جنت تعطش وينكطع بوري الماي اكل لعيوني تبجيلك
واشربك من دموع العين ماي عذب يصفيلك
وك نسيت شجنت اسويلك
من جنت تتكلب وماتنام الليل اني اسهر والوليلك*
والظهرية من تطفي الكهرباء اني اعرك واهفيلك*
واذا بليلة مسج دزيت الم فلوس الكارت واعبيلك
ومن جنت تزعل علي جيش مشاية اوديلك
نسيت شجنت اسويلك
من اجيتني بطرك دكان تبيع بي مصاصك ومساقيلك*
كلت رجلي وراعي بيتي واجب علي لو ينكسر ظهري اشيلك
وحتة افتحلك محل بي خير ابيع بذهبي وابنيلك
وما كفت فلوس الذهب رحت تداينت وما جيت بيوم اشكيلك
وتسالني شجنت اسويلك !!!!!
ومن صارت عندك فليسات صرت اني وجهالي كلشي منعنيلك
ومن اطلع اشتري خضورات تغافلني وتروح تلعب بذيلك
رصيدك خلص من المسجات يوم سمسم يوم نمنم تقشمرهن بمراسيلك
وبكل ليلة تجي سكران وريحة نسائية تعط من مناديلك
واليوم....اجيت الي ندمان تطلب سماحي وتتوسل اجيلك
تقشمرني بكلمة احبج من حبتك حية بعد ما يعبر علي فيلك*
شحسبالك احنة بالمكسيك لو انتة بمدبلج وتتفنن بتمثيلك
ما ارجع الك لو حتة تبني قصور روح بعيد انتة وكفشتك* وتواسيلك
تكلي بحقج جنت انة غلطان من كبر اليلفك ووجعة التشيلك
وانشالله التاج محل رحلتي تكون وانت الابو غريب يصير ترحيلك
وحق ذهباتي البعتهن مول لفتح يم محلك واشرد معاميلك
وحق شيباتي الي من القهر طلعن لاصير اصالة بت نصري واغنيلك
اسفة شوفلك غيري تكنسلك وتطبخلك وتكويلك
وتسويلك ولو ذرة من الجنت انة اسويلك

ـــــــــــــــــــــــــــــــــــــــــــــــــــــــــــــــــــــــــــ

المصدر: منتديات مضايف بلدة الغبره

---

auv .,[i ls;dki g.,[ih

ياسلالالالالالالالالام عليك=انت من وين

طحت على هالمصخمة المحمحمة

عموما هذه القصيدة التي طرحتها

فيها من الحكمة والعبرة والدروس

الشئ الكثير=فهذا حال الكثير

من البشر-سبحانك يارب=

شكرا لللللللللللك

هههههههههههههههههههههههههههههههههههههه
هههههههههههههههههههههههههههههههههههههه
أضحكني رد اخوووووووي صوووووووووووووووت الحق

ياسلالالالالالالالالام عليك=انت من وين

طحت على هالمصخمة المحمحمة

اسعدتني اخوووووووووووي
صوووت الحق
على هالرد
وشكرا لك
اخوووي عاااشق السومرية
على هالطرح
وكثر من هالسوالف

ولك يابه
ولك انتا من وين تجيب الورد وتزرعه بالمنتدى الحلو
اللي مثلك
ولك اقول الك انتا مبدع
عيووووووني

الف شكر

سلمت اناملك ويعطيك العافيه

خوش قصيده بعد شتريد
مشكووووووووووووور

اي والله خوش قصيده هههههههههههههه