منتديات مضايف بلدة الغبره - عرض مشاركة واحدة

9th August 2010

البارحه ونيت من ضيقت البال......ونت كسير(ن)ماتجبر كسوره
ياوجد حالي وجد يابعض الامال.....تموت فيها نفس كانت غيوره
ماني بمحطوطن على الزرع مخيال....من شان أجفل عن حصاده طيوره
ومن عال مايسلم من الناس لاعـال....وكل(ن)على سلمه يسيس قصـوره
وماكل رجل(ن)لبس ثوب وعقـال.......بناء على درب المراجـل جسـوره
ولاكل من هو قال يافـي بالقـوال.........كم واحدن موفـا الفعـل دق زوره
وسلم العرب ماهم هنـدي وبنقـال..........ناسـآ بسلـم ديارهـا ومعـذوره
مايكيـف الهنـدي مهيـل بفنجـال.........كيفه هو الفلفـل عشـاه وفطـوره
ومجالس(ن)لاهل المروات مدهال.....ومجالسآ من فعل أهلها مجهوره
ولو ماخلق ناسآ خسيسـآ ونـذال......ماصار به بالطيب نـاس مخبـوره
والرجل زينـه بالرجولـه ولافعـال......ماهو بالبسه والجمـال وعطـوره
ولاهـو بشكل ولاثقافـه ولامـال.......ياللي تحسب المرجله لعـب كـوره
وناسآ ضعيفـه ماتحمـل للاثقـال......وناسآ على جور الليالـي صبـوره
وجيل(ن)فنا ماشاف موتر وجـوال....ومن الحجر والطين بنـا قصـوره
وحدن قضى عمره تحت في وظلال....وحدن تغيب فـي حياتـه سـروره
والموت قاف العمر لو العمر طـال........لابد مـن يومـآ يجيـه ويـزوره
ومارتآ ماهـي علـى كـف خيـال.........زرعآ توفا مـن بـدا فـي بـذوره
ومايدوم ستر اللي بالفعـال دجـال.......لو طال ستـره بيـن الله فجـوره
والناس كل(ن)له مكانـه ومنـزال....والرجل يعرف في نهار الضـروره
والشمس تجري والقمر يرجع هلال...وتطلع لو انه يحجب الليـل نـوره
اليوم كل(ن)قال أنـا طيـب الفـال........في هالزمان اللـي تزايـد دبـوره
والفرق بين الناس ماهو بـالازوال.....والطيبه ماهـي لنـاس محصـوره
والشعر كل(ن)فيـه غنـا بامـوال........كل(ن)يقول أنـا بخيصـآ بامـوره
باعوه في درهـم وباعـوه بريـال....وقطفت على شان الدراهم زهـوره
حتى بحوره غاصها السايق أقبـال......وطا بقفـره يـوم سابـت أقفـوره
زرعآ من الراعي تقافـاه الاهمـال.....وقامت على حبه تناغـق طيـوره
ماهو شعر هم ومشاكـل وغربـال....ونفسآ من هموم الليـال محشـوره
اللي يقوله تقل بـه جـن وهبـال.........محلقـآ دقنـه وماشـط شـعـوره
لاقام فـي يمنـاه يومـي بالمثـال.....وعبر دروبآ عوج ماهـي معبـوره
مايستحي لو شاف بالعيـن عقـال......ماهتـم بالعيـب ورداه وقصـوره
ياللي تشوف الناس بالعين جهـال.....الرجل له قيمـه وشيمـه وعـوره
كل(ن)يقول اني ولد ناسـآ أبطـال......لو ان نفسـه مـن رداه محـروره
عادك بسن الجهل ما انتـه برجـال.....وحنا نترفع عـن جـدال البـزوره
خذها على جسمك كما الثوب تفصال..وحلل على أراحه معانـي سطـوره
ادري لفيت ومثـل ماقيـل مرسـال........لكن خذ مع مـن خـذا قبـل دوره
ولو الهواء يصفق صفق حيد وجبال.....ولاثر عليها بقوتـه مـع مـروره

نقره لعرض الصورة في صفحة مستقلة

المصدر: منتديات مضايف بلدة الغبره

hgn hf, .dhh]>>> lu hgjpdi