منتديات مضايف بلدة الغبره - عرض مشاركة واحدة

18th May 2011

من روائع احمد حسن الزعبي

اروح وين ؟؟؟؟؟؟؟؟؟؟؟

أحمد حسن الزعبي

الأربعاء 18-5-2011

نهضت مسرعاً على صوت صراخ شديد ملأ الحي ،شخص يشتم ويصيح دون إن أعرف محتوى الشتيمة أو سبب "الجعير" نوافذ تفتح وتغلق ، تبعها انطباق قوي لضلفتي بوابة حديدية سميكة ، نظرت الى الشارع كان شلاش يرتدي "شباحاً" على بنطلون رياضة عائد لفريق برشلونة مكتوب عليه "ميسي" ، يمشي بفردة "زنّوبة" واحدة وينظر خلفه بريبة ويتمتم "بدّي ألعن اللي هه.. "..

خرجت الى الشارع لأقطع الطريق على شلاش ابن جاري وصديقي أبو يحيى علّي أفهم ما يجرى وما سبب هذا الضجيج الذي بدد قيلولة الحارة بأسرها ..أوقفت الشاب بصعوبة ، أمسكت بذراعه الحار..

*أنا- مالك..شو فيه؟

*شلاش: بدّي ألعن اللي هه..

* أنا: طيب أنا ويّاك بدنا نلعن اللي هه .. بس فهمني شو القصة..ومين الــ" هه" !!

* شلاش: أني بس بدي أعرف مين اللي قال خير الأمور أوسطها؟

* انا: مش فاهم عليك!

* شلاش: عمي انت بتعرف دارنا جايه بنص الحارة ومخنوقة من كل الدور .

*أنا : طيب.

، شلاش: مرّات بزهق من الغرف ومن سوالف أبوي ، بيجي ع بالي أطلع ع ظهر الحيط أشم شوية هوا.

* انا : حقّك!!..

* شلاش: شو حقيّ؟؟ اذا طلعت ع ظهر الحيط وطلّيت لمغرّب بزعل جوز فزّة ، اذا طلّيت لمشرّق بزعل ابن تركية ، اذا طلّيت لشمال بتزعل كرمة العلي ، اذا طلّيت للجنوب بزعل فالح الاطرم، اذا طلّيت ع الزاوية بزعل مصطفى فغاغا...اذا طلّيت لتحت بزعل ابوي وأمي...واذا طلّيت لفوق بتزعل وكالة ناسا الفضائية !! وين أروح ..أني ..وين اروح؟؟..

صمتُّ ولم اجد جواباً أرشد فيه الفتي "وين يروح"،لأن وضعي هذه الأيام يشبه الى حد بعيد وضع شلاش : أذا كتبنا عن لجان الحوار ممنوع ، اذا كتبنا عن الفساد ممنوع، اذا كتبنا عن برقش ممنوع ، اذا كتبنا عن النظام المصري المخلوع ممنوع...عن شو نكتب ؟ سايق عليكو الله عن شو نكتب؟

يلعن اللي هه و60 اللي هه...

احمد حسن الزعبي

المصدر: منتديات مضايف بلدة الغبره

lk v,hzu hpl] hg.ufd hpgd