منتديات مضايف بلدة الغبره - عرض مشاركة واحدة

اوسمتي · 19th January 2011

جـهـز دلالــك

مـن نـشد عن كيف رأسي ويـش طـبه = قـلـت بـن كنــه علاج أسـتشاري

أزهم اللي ينتبه للعـــلم لبه = للعـشاء ينـشاف في عينـه مواري

قم وحــط من الحطب فـ النار شبه = كوم سمر مشتــريه مـن اللواري

هات كومن وأحذفه داخـل مشـبه = من خـليع جمعــوه من الصـحاري

لارمـيت الكوم بالكبريت شبه = شبته تـبري عن الكبد الحـساري

جـهز دلالك وماك الحلو عــبه = وحط من بن اليمن كب الهــراري

وأحمس اللي خـل بالـك يـم حـبه = والحذاري تحرق البــن الحذاري

لـستوا في وصـفه اللي ينـظربه = دق نجر الكيف جــذاب الســواري

لاسحنته لـقـمه داخل مـصـبه = وجح جــمرا للدلال وللغواري

وأحكر اللي مانلحـقها مسـبه = وفـج بابك مـثل ماقال المطاري

وعـد فنجـال علي وألـدك صـبه = عـد رأسي عقب ذا الفنجـال باري

وأن حكرته هاتلي خشــمك أحبه = تسـتحق اللي يحزمك السـواري

هذا ولكم فائق احترامي وتقديري

المصدر: منتديات مضايف بلدة الغبره

[JiJ. ]ghgJJ;