|
يكفي حبيبك مبتلي
يا شمعتي لا تنطفي لو شمسنا جت شارقه ... من مشـرق الـدنيا تبي كــبد السـما به تِعـتِـلي
إنـتي ضـواك اللي بهر عـيني وشوفه سارقه ... من غـير شوفـك عتمة ٍ في عيني عيّت تنجِلي رب الخـلايق حكـمته "من هـو نحـبّ انـْفارقه" ... مـادام عـمــري باقي ٍ مابـيــك عَـنّي ترحَـلي ياعــزوتي نـار الـوداع المــر ّ صـارت حــارقه ... حــنّـا زرعـنا حـبّـنا واروع ورود بمـشـتـلي من سبّـتك يا منوتي عيني تراها غارقه ... خـوذي كـلامي لاجل أوضّــح ما خفاك وتجــهَلي ياوجد حال اللي لعينك كلّ درب ٍ طارقه ... وان كان ودّك تجرحيني ,, فالسهر هو مدهَلي لك بالحلا كــمْ شـارة ٍ معـها علامـه فـارقه .... هو مـبسم ٍ لامن ضحك يـِخْضَرّ فيض ٍ ممحِلي والغنج ياخذ مشيـِتكْ قدوهْ عشانه عاشقه ... كنك إلى منّك تجـيـن "الخشف خصره ممتلي" وصـلك عـسِـر ياغـايتي مثل الجبال الشاهقه ... ما قد رقـيــت لـقـمّــِتهْ لاشكّ رِجمك معتلي حرفك سبق باقي الحروف أشهد بإنه سابقه ... يالنّون وش بك مبتعد؟يكفي حبيبك مبتلي وجـدي على قولة هلا ياللي بزيـنك خارقه ... قـولي هـلا والف ٍ هـلا لاعــماق قـلبي زلـزِلي *** |
رد: يكفي حبيبك مبتلي
صح لسانك اخوي حميد
لاهنت ع القصيده الروعه عداك العيب تقبل تحياتي |
رد: يكفي حبيبك مبتلي
وانا بعد صح لسانك اخوي وجزاك الله خير |
رد: يكفي حبيبك مبتلي
وانا بعد اقووووول صح لسانك
اخترت فابدعت بالاختيار |
رد: يكفي حبيبك مبتلي
صح لسانك علي هل القصيدة المميزة تقبل تحياتي واحترامي اخوك مهاجر الجرو ابو جراح
|
رد: يكفي حبيبك مبتلي
يسلموووو
اخ سعود صح بدنك منور |
رد: يكفي حبيبك مبتلي
صح بدنك
اخ هلالي موت ويسلمو على المرور الطيب منور |
رد: يكفي حبيبك مبتلي
يسلمووووو
على المرور الجميل ام مشعل وصح بدنك منوره |
رد: يكفي حبيبك مبتلي
يسلموووو
خال ابو جراح على المرور الطيب منور |
| برعاية: بحرين سيرف |
HêĽм √ 3.1 BY: ! ωαнαм ! © 2010
جميع الحقوق محفوظه لمنتديات الغبرة2011