منتديات مضايف بلدة الغبره - شــــــــامه؟؟؟؟

لاصــرت بايعني أشوفك على خير
مع الســـــــــلامه دام مابه ســـلامـــه
قلــــت أنتهينا قلت لك خير يا طير
مانيــب أول شخص يخـــــــسر غرامه
مــــحذرك من قبلها الف تحذيــــــر
لاعفتني بيعيــــف قلبي هيامــــــــه
مانيب ميــــت لا والأ أحتاج تبـــرير
صح الله لسانك ووفر كـــــــــــــلامه
بأسمعك حبكه وفكره وتـــــصوير
وأفهم عدل يا مدعي بالــــــــفهامه
وجه الشعر أبيض ويحــتاج تــغيير
ودي تزيــــــــــــن هالقصيده علامه
ماضيك الأسود بأذكره دون تقصير
كذا يكون بخــــــــــد هالشعر شامه
يصدق معي تعبير ويخون تــــعبير
ياضيعه الشــــــاعر بوقت أنسجامه
يمـــــــكن خطا أدونك بالشعر مير
لو ما أحتــــــــرمتك للغرام أحترامه
مــــاكان حبك غير بس طعنتك غير
علمتني معنى الندم والنــــــــــدامه
ماجـــــــــاك مني أي زله وتقصير
كل ما خطيت أعاتبـــــك بابتسامه
حسبي على الذكرى أذاهبت عصير
ما عاد تنفع شرهتـــــي و الملامه
البــــــال ضامي وقتها والحزن بير
خسرتك وهمي كســـــبت أهتمامه
والليـــــل فازع لك كذا جاني مغير
ظلمتني وأكثر ظــــــلمني ظلامه
لأقبــل علي أوحيت صوت المسايير
وفزيت كل ضيفا أقوم بمقامـــــه
وأليا عـــــزم هالليل ضيقه وتفكير
قلي بربك كيف بأقدر أنامـــــــه
مافيه داعي للعــــــــتب والمعاذير
الغدر خال الجرح وأطيب أعمامه
أما يجيب الله مـــــــطر تالي وخير
والأ السلامه ماش مامن سلامـــــه

>>>شقـــــــــاوي<<<