منتديات مضايف بلدة الغبره - بدوية ترد علي فتااة جامعيه بقصيدة

هذه قصه حدثت في احدى الجامعات لطالبه بدويه ترد على طالبه حضريه في قصيدة

كانت احدى الطالبات يغلب عليها طابع البداوة من حيث لبسها لقلة ذات اليد وهي من الريف

وكانت من المتفوقات بالدراسه وذات يوم مرت احدى الطالبات من بنات المدينه الانيقات

وقالت شوفو البدويه

فحزت هذه الكلمه في نفس الفتاة وردت عليها بقصيدة رائعه

انا بدويه وريحتي بن وبهار **** هذا شرف ماهو بحقي خطيه
انا هلي يابنت وافين الاشبار **** كانك جهلتي من انا يا غبيه
ياجاهله ماتفتدي الشمس الانوار **** حنا كما شمس على الارض ضيه
حنا هل الطولات هيبه ومقدار **** حنا مثال الشرف والحميه
حنا الصنايا للكرم رمز وشعار **** حنا خويٍ مايخلي خويه
الذيب يوم انه عوى وسط الاسعار ****عشوه ربعي من سنين مديه
يوم ان جدك وثق القفل بالدار **** بيت الشعر مفتوح صبح وعشيه
يابنت لو بكتب من اشعار واشعار **** تعجز معاني حروفي الابجديه
اللعب خلي اللعب لعيال شطار **** لاتدخلي السيل وانتي نديه

وعند وجود صديقة البدوية وسمعهااا للحوار ردت علي الجامعية وقاالت لهاا :

لاتقولين ابدويه تقتلي صيت البداوه ** البداوه لفظ يرفع صاحبه مثل الحماس

لاتسوقين المذله للبدو اهل النقاوه ** بالوصوف الي تهدد البدو بين النجاس

لاتقولين ابدويه واسكني بين القراوه ** ناظري كيف التواضع والكرم فيهم يقاس

لاتقولين ابدويه والكحل ساح بهداوه ** البدو تعرف تداري كحلها مثل النعاس

لاتقولين ابدويه والصبغ مثل الغشاوه ** في وسط وجهك وغير لمحتك حتى الحواس

العباه اللي تبين جسمك برجف الطراوه ** كم قتلتي من لهبها من جنس ادم وحاس

واللثام اللي يداعب خدك بلمعة صفاوه ** غلفي منه الشفايا والشعر قبل العطاس

لاتقولين ابدويه البدو رمز السماوه ** والصبا فيهم يعرفوا للشرف ثوب ومقاس

للاسف ياللي خسرتي عمرك وكل الحلاوه ** العنوسه هي دروبك لو لفا عودك يباس

كيف ترجين المراجل تجتمع مثل القطاوه ** للاسف مانتي لواحد تفتني ناس وناس

من بعد هذا طلبتك تتركي درب الشقاوه ** واطلبي ربك يسامح زلتك والانتكاس

واعرفي ان البداوه ماتبي غير البداوه ** والفتاه اللي تعانق جسمها باروع لباس

وشكراا لكم .. محمد الحسوني ....